The Omen (2006)

5 out of 10 stars

★★★★★☆☆☆☆☆

Starring: Liev Schreiber, Seamus 

Davey-Fitzpatrick, Julia Stiles

Genre: Horror, Mystery, Thriller

Runtime: 110 minutes

Director: John Moore

Writer: David Seltzer

Production: 20th Century Fox

Country: USA

Nagsimula ang pelikula kasama ang mga nakaka-intrigang karakter. Dahil hindi ko alam kung saan papatungo ang kuwento (hindi ako nanood ng trailer at nagbabasa lang ng IMDb pagkatapos ng pelikula) ay misteryoso ang naging simula ng palabas para sa akin. 

Isang masamang balita ang bungad ng pelikula kung saan ang anak ni Robert Thorn (Liev Schreiber) ay hindi nakaligtas mula sa delivery ng kaniyang asawang si Katherine Thorn (Julia Stiles). Dahil dito, sa tulong ng mungkahi ng isang pari, ay inampon ni Robert ang isang ulilang sanggol, pianangalanan niya ito ng Damien (Seamus Davey-Fitzpatrick) at pinalabas na ito ang anak nila ni Katherine.

Heneral Luna (2015)

8 out of 10 stars

★★★★★★★★☆☆

Starring: John Arcilla, Mon Confiado, Arron Villaflor

Genre: Action, History

Runtime: 118 minutes

Director: Jerrold Tarog

Writer: Monching Barado

Production: Artikulo Uno Productions

Isang epiko na karapat-dapat lang isama sa listahan ng mga pelikulang Pilipino na may katuturan at hindi sasayangin ang iyong oras na ilalaan sa panonood nito. Ang pelikula ay ang bayograpiya ni Heneral Antonio Luna sa panahon ng digmaan sa pagitan ng Pilipinas at Amerika. Dito ipapakita ng palabas kung papaanong matapang na hinarap ni Heneral Luna (John Arcilla) ang  pagsalakay ng mga Amerikano sa Pilipinas at kung paano nito ipinaglaban ang karapatang maging malaya ng mga Pilipino sa sarili nilang bansa.

Ngunit ang katapangan na ito ay hindi pa sapat upang maatim ang ninanais na kasarinlan ni Heneral Luna dahil ang pagiging makabayan nito ay taliwas sa pagiging makabayan ng kapwa niya Pilipinong sina Felipe Buencamino (Nonie Buencamino) at Pedro Paterno (Leo Martinez) kung saan suportado nila ang pakikipagkalakalan ng Pilipinas sa mga Amerikano. Gayunpaman ay ipinagpatuloy parin ni Luna ang kaniyang ipinaglalaban sa tulong na rin ng iba pang Heneral ngunit ang hindi niya alam, ang lahat ng ito ay mauuwi lang sa pagtataksil mula sa kapwa niya Pilipino dahil ang tunay na kalaban ay hindi ang mga Amerikano kundi ang mga sarili niyang kababayan.

Miss Congeniality (2000)

6 out of 10 stars
★★★★★★☆☆☆☆

Starring: Sandra Bullock, Benjamin Bratt, Michael Caine

Genre: Action, Comedy, Crime

Runtime: 109 minutes

Director: Donald Petrie

Writer: Marc Lawrence, Katie Ford, Caryn Lucas

Production: Castle Rock Entertainment, Village Roadshow

Pictures, NPV Entertainment, Fortis Films

Country: USA

Nahaharap ngayon sa isang matinding pagsubok si Gracie Hart (Sandra Bullock), isang FBI Special Agent matapos siyang mapili na maging isang undercover sa kaganapang malayung-malayo sa kaniyang ugali - ang Miss United States beauty pageant.

Matapos makatanggap ang mga awtoridad ng isang bomb threat sa nasabing patimpalak mula sa teroristang nagngangalang "The Citizen" ay agad umaksyon ang FBI. Ang plano ay nanggaling mismo kay Agent Hart, ngunit hindi niya inaakala na siya mismo ang pipiliin ni Special Agent Eric Matthews (Benjamin Bratt) na maging undercover. Kaya ngayon, ang babaeng walang kaarte-arte sa katawan at tila lalaki kung kumilos ay magiging Gracie Lou Freebush ng New Jersey, sa tulong ng beauty pageant coach na si Victor Melling (Michael Caine).

The Visit (2015)

7 out of 10 stars
★★★★★★★☆☆☆

Starring: Olivia DeJonge, Ed Oxenbould, 

Deanna Dunagan, Peter McRobbie

Genre: Horror, Thriller

Runtime: 94 minutes

Director: M. Night Shyamalan

Writer: M. Night Shyamalan

Production: Blinding Edge Pictures, Blumhouse

Productions

Country: USA

Ang The Visit ay tungkol sa naging isang lingong bakasyon ng magkapatid na Rebecca (Olivia DeJonge) at Tyler Jamison (Ed Oxenbould) sa lugar ng kanilang lolo't lola na ngayon lang nila makikita simula nang maglayas ang kanilang ina labing-limang taon na ang nakakalipas.

Ito ay isang found footage na pelikula na katulad ng ibang palabas na may parehong istilo, ang bida ay gumagawa ng isang dokyumentaryo. Dito, planong kunan ni Becca sa kamera ang kanilang bakasyon ngunit ang hindi nito alam ay ibang kaganapan pala ang mahahagip ng lente ng kaniyang kamera. Sa pamamalagi ng magkapatid sa tahanan ng kanilang kinikilalang lolo at lola ay mapapansin nilang may mali sa kanilang mga kasama sa bahay. Sa pagsapit ng pasado alas-dyes ng gabi, nagsisimulang mag-iba ang kilos nga kanilang Nana (Deanna Dunagan) at Pop Pop (Peter McRobbie). Noong una'y inakala ng dalawa na natural lang ito sa mga matatanda ngunit sa pagtagal nila sa bahay ay mapapatunayan nilang hindi lang ito simpleng pagkakaroon ng edad.