Ex Machina (2015)

7 out of 10 stars
★★★★★★★☆☆☆

Starring: Alicia Vikander, Domhnall Gleeson, Oscar Isaac

Genre: Drama, Mystery, Sci-Fi

Runtime: 108 minutes

Director: Alex Garland

Writer: Alex Garland

Production: DNA Films, Film4

Country: UK

Isang programmer, isang bilyonaryo at isang robot na may artificial intelligence, ano ang mangyayari kapag nagsama ang tatlong ito ng isang lingo sa iisang bubong? Ito ang pangunahing paksa ng Ex Machina na magpapagana sa iyong isipan habang sinusulit ang panonood ng simple ngunit may disenteng kuwento na pelikula.

Programmer sa isang kumpanya si Caleb Smith (Domhnall Gleeson) na nanalo ng isang one-week vacation sa liblib at pribadong tahanan ng kanilang bilyonaryong CEO na si Nathan Bateman (Oscar Isaac). Ngunit sa isang lingo na ito ay mapag-aalaman ni Caleb na hindi bakasyon ang ipinunta nito sa bahay ni Nathan kundi para sa isang eksperimento. Siya ang napili ng kanilang CEO na mangasiwa sa Turing test para kay Ava (Alicia Vikander), isang may katawang babae na robot na may artificial intelligence. Ang kailangan lang gawin ni Caleb ay makipag-usap kay Ava upang makita kung may kakayanan itong iparamdam sa iba na isa siyang tao at hindi robot.

Stand by Me Doraemon (2014)

6 out of 10 stars
★★★★★★☆☆☆☆

Starring: Wasabi Mizuta, Megumi Ōhara, Yumi Kakazu

Genre: Animation, Comedy, Drama

Runtime: 95 minutes

Director: Takashi Yamazaki, Ryūichi Yagi, Tony Oliver

Writer: Takashi Yamazaki, Fujiko F. Fujio (manga)

Production: Shirogumi, Robot Communications, Shin-Ei Animation

Country: Japan

Dahil sa hirap at pagiging baon sa utang, mula sa hinaharap ay bumalik si Sewashi (Sachi Matsumoto), ang apo sa talampakan ni Nobita Nobi (Megumi Ōhara) kasama ang robot nitong si Doraemon (Wasabi Mizuta) sa taong 2004 kung saan bata pa lang si Nobita upang subukang palitan ang kapalaran nito. Ang naisip ni Sewashi na sagot sa dinaranas na problema ng kanilang pamilya sa 22nd century ay ang iwan ang robot nitong si Doraemon upang tulungan ang talunang buhay ni Nobita nang sa gayon ay maiwasan ang pagkakaroon nila ng malaking utang sa hinaharap. 

Kapag tuluyan nang napalitan ang hinaharap ni Nobita ay saka lang makakabalik si Doraemon sa tunay niyang amo. Naging magaan ang buhay ni Nobita simula nang dumating si Doraemon ngunit papaano na kapag dumating ang araw na babalik na si Doraemon sa mundong pinanggalingan niya? 

A Clockwork Orange (1971)

8 out of 10 stars
★★★★★★★★☆☆

Starring: Malcolm McDowell, Patrick Magee, Michael Bates

Genre: Crime, Drama, Sci-Fi

Runtime: 136 minutes

Director: Stanley Kubrick

Writer: Stanley Kubrick, Anthony Burgess (novel)

Production: Warner Bros., Hawk Films Limited

Country: UK, USA

Bayolente at imoral, ito ang pelikula kung saan ang bida ay pareho mong kamumuhian at kaaawaan. Si Alex DeLarge (Malcolm McDowell) ay isang binatang nasanay na sa karahasan. Kasama ang kaniyang grupo na tinatawag niyang droogs ay umiikot ang kanilang buhay sa mga krimen tulad ng pambubugbog ng mga inosenteng tao, pamamasok ng bahay, pagnanakaw at panggagahasa. Sa kabila ng pagkakaroon ng karisma ay hindi naging maganda ang pakikitungo ni Alex sa kaniyang mga kasamahan kaya naman ito ang naging dahilan ng kaniyang pagkakulong matapos siyang iset-up ng kaniyang tropa sa isang krimen. 

Sa kulungan, para lang makalabas ay magboboluntaryo si Alex sa isang eksperimento kung saan sasabak siya sa isang aversion therapy na naglalayong tanggalin ang violent side ng kaniyang pagkatao. Ito ay ang magsisilbing sagot sa problema sa krimen ng kasalukuyang lipunan. Nagtagumpay man ang eksperimento ay hindi aayon ang lahat sa inaasahan nilang plano.

The Nightmare (2015)

5 out of 10 stars

★★★★★☆☆☆☆☆

Starring: Siegfried Peters, Stephen Michael Joseph, Yatoya Toy

Genre: Documentary

Runtime: 91 minutes

Director: Rodney Ascher

Production: Zipper Bros Films, Campfire

Country: USA

Pagtulog ang isa sa mga pangunahing pangangailangan ng tao upang mabuhay, ito ang kailangan natin upang makapagpatuloy sa araw-araw nating gawain ngunit minsan ang bagay na ito na siyang paboritong gawin ng karamihan ay may mga pagkakataon na may nagaganap na hindi pangkaraniwan, isa na dito ang tinatawag sleep paralysis o ang pansamantalang pagkawala natin ng kontrol sa ating katawan tuwing tayo'y natutulog o magising mula sa pagkakatulog. Ito ang paksa ng dokyumentarong The Nightmare kung saan walong tao na dumanas o kasalukyang dumaranas sa sleep paralysis ang magpapahayag ng kanilang kuwento.

Chef (2014)

7 out of 10 stars
★★★★★★★☆☆☆

Starring: Jon Favreau, John Leguizamo, Emjay Anthony, Sofía Vergara

Genre: Adventure, Comedy, Drama

Runtime: 114 minutes

Director: Jon Favreau

Writer: Jon Favreau

Production: Aldamisa Entertainment, Kilburn Media

Country: USA

Head chef sa isang popular na restaurant, si Carl Casper (Jon Favreau) ay naghahanda para sa pagdating ng isang food critic at sikat na blogger na si Ramsey Michel (Oliver Platt) sa kanilang restaurant. Sa kabila ng pagkakaroon ng mga bagong putahe sa kanilang menu na para kay Ramsey ay iniutos ng restaurant owner na si Riva (Dustin Hoffman) na manatili na lang sila sa dati nilang menu kung saan sumikat ang kanilang kainan. Dahil sa desisyong ito ni Riva ay nauwi sa hindi kanais-nais na review ang nakuha ni Carl mula sa manunulat na si Ramsey.

Sa galit ay aksidenteng hinamon ni Carl si Ramsey sa Twitter na muling bumalik sa kanilang restaurant upang tikman ang bagong putahe na kaniyang inahanda. Sa kasamaang-palad ay hindi ulit pumayag si Riva sa bagong menu ni Carl na siyang naging sanhi ng kaniyang pagbibitiw sa trabaho.

Minions (2015)

6 out of 10 stars

★★★★★★☆☆☆☆

Starring: Pierre Coffin, Sandra Bullock, Jon Hamm

Genre: Animation, Comedy, Family

Runtime: 91 minutes

Director: Kyle Balda, Pierre Coffin

Writer: Brian Lynch

Production: Illumination Entertainment

Country: USA

Una silang nakilala bilang makukulit na alalay ni Gru, ngayon ay sila na mismo ang bida sa Minions, ang prequel ng sikat na Despicable Me kung saan tatalakayin nito ang naging buhay ng mga minions bago sila napunta sa pangangalaga ni Gru.

Isang solong pelikula para sa mga minions ang matagal nang pinapangarap ng mga fans. Maging ako ay naisip ko na rin na magiging riot kung nagkataong magkaroon ng sariling palabas ang mga maliliit na kulay dilaw na nilalang na ito, at nagkatotoo nga. Mataas ang naging ekspektasyon ko sa pelikulang ito dahila una: minions ang nagdala sa Despicable Me 2 at pangalawa: minions sila, aasa ka talaga na purong katatawanan ang dulot nila dahil napatunayan na nila ito sa unang dalawang pelikula.

P.S. I Love You (2007)

7 out of 10 stars

★★★★★★★☆☆☆

Starring: Hilary Swank, Gerard Butler

Genre: Drama, Romance

Runtime: 126 minutes

Director: Richard LaGravenese

Writer: Richard LaGravenese, Steven Rogers, Cecelia Ahern (novel)

Production: Alcon Entertainment, Grosvenor Park Productions, Wendy 

Finerman Productions

Isang kuwentong tatalakay sa mapait na realidad ng buhay, kuwento na makaka-relate ang lahat pagdating sa biglaang paglisan ng minamahal. Ang kaibahan nga lang ay binigyan ito ng kaunting twist upang maging iba sa mga normal na istorya.

Hindi man ganoon karangya ang kanilang buhay bilang mag-asawa ay masaya naman sina Holly (Hilary Swank) at Gerry Kennedy (Gerard Butler) sa piling ng isa't-isa at kahit may mga pagkakataong hindi sila magkasundo sa isang bagay ay agad din naman itong naaayos dahil sa pagbibigayan ng dalawa. Hanggang sa dumating ang araw na bawian ng buhay si Gerry dahil sa brain tumor. Hindi maganda ang pagtanggap ni Holly sa biglaang pagkawala ng asawa kaya unti-unti nitong isinara ang kaniyang mundo sa ibang tao at napalayo sa mga kaibigan at kapamilya.

What If (2013)

6 out of 10 stars
★★★★★★☆☆☆☆

Starring: Daniel Radcliffe, Zoe Kazan

Genre: Comedy, Romance

Runtime: 98 minutes

Director: Michael Dowse

Writer: Elan Mastai, T.J. Dawe (play), Michael Rinaldi (play)

Production: No Trace Camping, Caramel Films, Fastnet Films

Country: Ireland, Canada

The F Word o mas kilala worldwide bilang What If, ang pelikula kung saan muling matatalakay ang katanungan na: "Can men and women be just friends?".

Si Wallace (Daniel Radcliffe) na piniling maging anti-social ng isang taon matapos magdrop-out sa medical school dahil sa bigong pag-ibig ay isang araw nakilala si Chantry (Zoe Kazan), ang pinsan ng matalik niyang kaibigang si Allan (Adam Driver) sa isang party. Nagkaroon ng instant connection ang dalawa at agad nagkamabutihan bilang magkaibigan. Sa pagtagal ng panahon, mas naging malapit pa ang dalawa sa isa't-isa hanggang sa unti-unting nahulog ang loob ni Wallace sa kaibigan sa kabila ng pagkakaroon ni Chantry ng long-time boyfriend. 

Jaws (1975)

7 out of 10 stars

★★★★★★★☆☆☆

Starring: Roy Scheider, Robert Shaw, Richard Dreyfuss

Genre: Adventure, Drama, Thriller

Runtime: 124 minutes

Director: Steven Spielberg

Writer: Peter Benchley (screenplay & novel), Carl Gottlieb

Production: Zanuck/Brown Productions, Universal Pictures

Country: USA

Ang dagat ang pangunahing negosyo ng isla ng Amity, ito ang dinarayo ng mga turista tuwing tag-init ngunit nang matuklasan ng chief of police na si Martin Brody (Roy Scheider) ang aksidente ng dalagang inatake ng pating ay handa na nitong ipasara ang baybayin. Sa takot na baka masira ang reputasyon ng kanilang isla lalo na't paparating na ang summer season ay pinalabas ni Mayor Larry Vaughn na boating accident ang ikinamatay ng dalaga.

Sa paniniwalang hindi nga pating ang dahilan ng aksidente ay ikinansela ni Chief Brody ang pagpapasara sa dagat. Nagpatuloy ang publiko sa pagbisita rito hanggang sa matunghayan nila mismo ang muling pag-atake ng halimaw na nakatira sa tubig, sa pagkakataong ito ay isang batang lalaki ang nabiktima ng pating. 

Pitch Perfect 2 (2015)

6 out of 10 stars
★★★★★★☆☆☆☆

Starring: Anna Kendrick, Rebel Wilson, Hailee Steinfeld

Genre: Comedy, Music

Runtime: 115 minutes

Director: Elizabeth Banks

Writer: Kay Cannon, Mickey Rapkin (novel)

Production: Brownstone Productions, Gold Circle Films, Universal Pictures

Country: USA

Matapos ang magulo ngunit masayang pagkamit ng kampeonato para sa national competion sa Pitch Perfect (2012) ay muling nagbabalik ang Barden Bellas para sa isang sequel. At dahil inabot ng tatlong taon bago nagkaroon ng pangalawang installment ay tatalon din ang Pitch Perfect 2 ng tatlong taon sa kuwento nito. Sa pagkakataong ito ay seniors na ang ating mga bida at in demand na ang kanilang grupo bilang a capella performers. 

Sa kasamaang palad, ang lahat ng kasikatan nilang ito ay biglang natapos nang hindi sinasadyang magkalat ang kanilang grupo sa birthday party ni President Barack Obama. Dahil sa kahihiyang ito ay nasuspinde ang kanilang grupo at hindi na nila maaring ipagpatuloy pa ang kanilang tour, bukod doon ay pinagbawalan na rin silang tumanggap pa ng panibagong miyembro ng kanilang grupo.

The Blind Side (2009)

7 out of 10 stars
★★★★★★★☆☆☆

Starring: Sandra Bullock, Quinton Aaron

Genre: Biography, Drama, Sports

Runtime: 129 minutes

Director: John Lee Hancock

Writer: John Lee Hancock, Michael Lewis (novel)

Production: Alcon Entertainment, Left Tackle Pictures, Zucker/Netter Productions

Country: USA

Sino ang mag-aakalang ang All American football player na si Michael Oher ay mayroon palang rags to riches na kuwento? Ang The Blind Side ay iikot sa naging buhay ni Michael Oher bago siya sumikat at makilala sa larangan ng football. Isang batang walang sariling tirahan at nakikitulog lang sa bahay ng kaniyang kaibigan, ito ang naging buhay ni Michael (Quinton Aaron) noong siya'y binata pa lang. Sa tulong ng ama ng kaniyang kaibigan ay sinubukan silang ipasok sa isang Christian school, dahil sa magandang pangangatawan na nababagay sa isports ay kinuha siya ni Coach Burt Cotton (Ray McKinnon) sa kabila ng pagkakaroon ng mabababang grado.

Sa kaniyang bagong paaralan, nakilala ni Michael si Sean "SJ" Tuohy, Jr. (Jae Head) na hindi nagtagal ay naging kaibigan nito. Nang malaman ng ina ni SJ, Leigh Anne Tuohy (Sandra Bullock) ang estado ni Michael ay pinatira niya ang binata sa kanilang tahanan hanggang sa pagtagal ay unti-unti na siyang naging miyembro ng kanilang pamilya. Agad nagbago ang mahirap na buhay ni Michael at sari-saring oportunidad ang biglang dumating sa kaniya. Sa tulong ni Leigh Anne ay nagseryoso si Michael sa paglalaro ng football hanggang sa nasanay at lumabas ang tunay na talento sa paglalaro nito.

Kingsman: The Secret Service (2014)

8 out of 10 stars
★★★★★★★★☆☆

Starring: Taron Egerton, Colin Firth, Samuel L. Jackson

Genre: Action, Adventure, Comedy

Runtime: 129 minutes

Director: Matthew Vaughn

Writer: Jane Goldman, Matthew Vaughn, Mark Millar (comics), Dave Gibbons (comics)

Production: 20th Century Fox, Marv Films, Cloudy Productions, 

TSG Entertainment

Country: UK

Nang mamatay ang ama sa isang secret mission sa Middle East ay nagsimulang mabago ang magandang buhay ng batang si Gary "Eggsy" Unwin (Taron Egerton). Matapos ang labing-pitong taon ay isa na siya ngayong binata na hindi nakapagtapos, walang trabaho at nakatira kasama ang ina sa bahay ng kaniyang mapang-abusong stepfather. Nang minsang mahuli ng pulis at mangailangan ng tulong ay tinawagan ni Eggsy ang isang numero na naka-ukit sa medalyang ibinigay sa kaniya noong bata pa ni Harry Hart (Colin Firth), ang dating kasamahan ng kaniyang ama sa trabaho.

Pagkatanggap ng tawag ay agad tinulungan ni Hart si Eggsy. Sa muling pagkikita ng dalawa ay ipinaalam na ni Hart kay Eggsy ang tungkol sa Kingsman, isang sikretong organisasyon kung saan siya kasalukuyang nagtatrabaho at dati ng kaniyang pumanaw na ama. Sa hindi inaasahang pagkamatay ng isa sa kanilang agent na si Lancelot ay nangangailangan ngayon ang Kingsman ng papalit sa iniwan nitong puwesto. Sa nakitang kakayahan ni Eggsy, sinubukan siyang kumbinsihin ni Hart na mag-apply at kumatawan bilang kandidato niya sa darating na pagpili sa bagong agent na papalit sa puwesto ni Lancelot.

High School Musical 2 (2007)

5 out of 10 stars

★★★★★☆☆☆☆☆

Starring: Zac Efron, Vanessa Hudgens, Ashley Tisdale

Genre: Comedy, Romance, Family, Musical

Runtime: 104 minutes

Director: Kenny Ortega

Writer: Peter Barsocchini

Production: Disney Channel, Salty Pictures, First Street Films

Country: USA

Matapos ang tagumpay ng High School Musical (2006) ay muling nagbabalik ang Wildcats para sa isang sequel. Sa pagkakataong ito ay iikot ang kuwento sa summer vacation ng mga bidang sina Troy Bolton (Zac Efron), Gabriella Montez (Vanessa Hudgens), Sharpay Evans (Ashley Tisdale) at ng iba pang Wildcats. 

Dahil bakasyon ay naisipan ni Troy na maghanap ng trabaho upang makapag-ipon para sa kolehiyo. Sa tulong ni Sharpay na kasalukuyang nagpapalipas ng summer sa country club na pagmamay-ari ng kanilang pamilya ay ipinasok nito si Troy sa trabaho. Nang matanggap ay sinubukang kausapin ni Troy ang manager ng club upang ipasok rin ang mga kaibigan niya sa trabaho na napagbigyan naman. Ang hindi nila alam, may ibang plano si Sharpay kung bakit nito ipinasok si Troy sa kanilang club.

High School Musical (2006)

6 out of 10 stars
★★★★★★☆☆☆☆

Starring: Zac Efron, Vanessa Hudgens

Genre: Comedy, Romance, Family, Musical

Runtime: 98 minutes

Director: Kenny Ortega

Writer: Peter Barsocchini

Production: Disney Channel, Salty Pictures, First Street Films

Country: USA

Si Troy Bolton (Zac Efron) ay basketball captain, si Gabriella Montez naman ay isang mahiyaing transfer student na mahusay sa mathematics at science. Unang nagkakilala ang dalawa sa isang New Year party kung saan nasubok ang galing nila sa pagkanta. Nang malamang pareho sila ng eskwelahang pinapasukan ay sinubukan nilang ituloy ang nasimulang pagkakaibigan sa pamamagitan ng pagtahak sa mundo kung saan sila parehong magkasundo... sa pag-awit.

Kahit na iba sa nakasanayang gawain ay nagsubok sumali sina Troy at Gabriella sa audition para sa isang winter musical ng kanilang eskwelahan. Masaya ang dalawa nang mabigyan sila ng pagkakataong bumalik para sa callback ngunit nang mabalitaan ito ng kani-kanilang kaibigan ay hindi sila nasiyahan sa balitang ito.

Flightplan (2005)

6 out of 10 stars
★★★★★★☆☆☆☆

Starring: Jodie Foster, Peter Sarsgaard, Sean Bean

Genre: Action, Drama, Mystery

Runtime: 98 minutes

Director: Robert Schwentke

Writer: Peter A. Dowling, Billy Ray

Production: Touchstone Pictures, Imagine Entertainment

Country: USA

Isang aircraft engineer si Kyle Pratt (Jodie Foster) na kasalukuyang nagtatrabaho sa Berlin, Germany. Nang mamatay ang kaniyang asawa matapos mahulog sa building na kanilang tinitirahan ay naisipan niyang i-uwi ang mga labi nito sa US. Kasama ang anim na taong gulang na anak na si Julia (Marlene Lawston) ay sumakay ang dalawa sa isang bagong gawang eroplano kung saan isa siya sa mga nag-disenyo nito. 

Ilang oras matapos ang take off, nagising si Kyle na wala na ang anak sa kaniyang tabi. Agad itong nag-panic at umagaw ng atensyon. Sa utos ng pilotong si Captain Marcus Rich (Sean Bean) ay hinalughog nila ang buong eroplano upang hanapin ang bata. Matapos ang malawakang paghahanap ay wala silang nakitang bata, dahil dito unti-unti na nilang pinagdudahan si Kyle kung mayroon nga ba siyang kasamang anak o wala lalo na't wala ninuman sa mga pasahero ang nakaka-alala o nakakakita kay Julia. Lalong lumakas ang suspisyon ng lahat nang malamang umiinom ng gamot si Kyle dahil sa stress at higit sa lahat, wala itong maipakitang ticket na dapat ay para sa kaniyang anak.

The Graduate (1967)

8 out of 10 stars
★★★★★★★★☆☆

Starring: Dustin Hoffman, Anne Bancroft, Katharine Ross

Genre: Comedy, Drama, Romance

Runtime: 106 minutes

Director: Mike Nichols

Writer: Calder Willingham, Buck Henry, Charles Webb (novel)

Production: Lawrence Turman Production

Country: USA

Nang makapagtapos sa kolehiyo ay umuwi si Benjamin Braddock (Dustin Hoffman) sa kanilang tahanan para sa isang selebrasyon na inihanda ng kaniyang mga magulang. Dahil asiwa sa mga taong nagtatanong ng kaniyang plano sa buhay, napilitan itong ihatid pauwi si Mrs. Robinson (Anne Bancroft), ang kaibigan ng kaniyang magulang, sa kanilang bahay.

Lingid sa kaalaman ni Benjamin ay may iba palang plano si Mrs. Robinson kung bakit ito nagpahatid sa binata. Inaya ni Mrs. Robinson sa kanilang bahay si Benjamin at nang makapasok na ito ay nagsimula siyang akitin ni Mrs. Robinson. Nakaiwas si Benjamin sa tukso ngunit lumipas ang ilang araw ay muli siyang nakipagkita kay Mrs. Robinson at doon na nagsimula ang kanilang seksuwal na relasyon.

Tammy (2014)

7 out of 10 stars
★★★★★★★☆☆☆

Starring: Melissa McCarthy, Susan Sarandon

Genre: Comedy

Runtime: 97 minutes

Director: Ben Falcone

Writer: Ben Falcone, Melissa McCarthy

Production: Gary Sanchez Productions, New Line Cinema

Country: USA

Nasiraan ng kotse, natanggal sa trabaho at natuklasan ang pangangaliwa ng kaniyang asawa, sirang-sira na ang araw ni Tammy Banks (Melissa McCarthy) at ang tanging solusyon na lang niya sa mga problemang ito ay magpakalayu-layo. Ngunit sa sitwasyon niya ngayon na walang pera, walang tirahan at walang sasakyan ay mapipilitan siyang isama ang kaniyang lolang si Pearl Balzen (Susan Sarandon), alcoholic at may sakit na diabetes ngunit may sariling pera't sasakyan.

Magkaiba man ng ugali at ng layunin, magsasama ang dalawa sa isang paglalakbay para sa pagtuklas ng kanilang sarili at pag-asam ng pangarap.

Toy Soldiers (1991)

7 out of 10 stars
★★★★★★★☆☆☆

Starring: Sean Astin, Wil Wheaton, Louis Gossett, Jr., Andrew Divoff

Genre: Action, Drama, Thriller

Runtime: 111 minutes

Director: Daniel Petrie, Jr.

Writer: David Koepp, Daniel Petrie, Jr., William P. Kennedy (novel)

Production: Island World, TriStar Pictures

Country: USA

Upang matupad ang ninanais na paglaya sa kulungan ng kaniyang ama na isang drug kingpin ay ginawang hostage ng teroristang si Luis Cali (Andrew Divoff) ang buong Regis High School, ang paaralan ng mga binatang mula sa mayayamang pamilya at may kilalang magulang. 

Sa paaralang ito nag-aaral ang magkakaibigang sina Billy Tepper (Sean Astin), Joey Trotta (Wil Wheaton), Jonathan Bradberry (Keith Coogan) at iba pa na kilala bilang mga pasaway at mahilig gumawa ng mga kabulastugan. Sa tulong ng mga awtoridad, sinubukang isahan ng kanilang grupo ang mga teroristang nambulabog sa kanilang paaralan sa pamamagitan ng mga gawain kung saan sila magaling... sa kalokohan.

Sara (1997)

7 out of 10 stars
★★★★★★★☆☆☆

Starring: Bogusław Linda, Agnieszka Włodarczyk

Genre: Action, Crime, Drama, Romance

Runtime: 110 minutes

Director: Maciej Ślesicki

Writer: Maciej Ślesicki

Production: Hertiage Films

Country: Poland

Matapos matanggal sa trabaho at iwan ng asawa ay naging patapon na ang buhay ni Leon (Bogusław Linda). Dahil sa dati niyang trabaho, sinubukan siyang i-hire bilang bodyguard ng isang mafia leader upang bantayan ang anak nitong babae na labing-anim na taong gulang, si Sara (Agnieszka Włodarczyk).

Noong una ay hindi gusto ni Sara ang pagkakaroon ng bodyguard kaya nag-rebelde ito at hindi sumunod sa mga utos ng ama ngunit nang minsang iligtas siya ni Leon mula sa isang tangkang pagpatay ay nagsimulang mabago ang ugali nito sa lalaki lalo na't nalaman niyang handang sumalo ng bala si Leon para lang sa kaniyang kaligtasan. Nagsimulang maghulog ang loob ni Sara kay Leon sa kabila ng malaking agwat ng kanilang edad. 

Beauty in a Bottle (2014)

7 out of 10 stars

★★★★★★★☆☆☆

Starring: Angelica Panganiban, Assunta de Rossi, Angeline Quinto

Genre: Comedy, Romance

Runtime: 100 minutes

Director: Antoinette Jadaone

Writer: Antoinette Jadaone, Chris Martinez

Production: Quantum Films, Skylight Films, Star Cinema

Country: Philippines

Tatlong kuwento ng tatlong babae na iikot sa isang produktong pampaganda - ang Beauty in a Bottle na ang layunin ay ibalik ang dating ganda na nawala. Si Vilma Ledesma (Assunta de Rossi) ay isa sa mga maaasahan pagdating sa advertising ngunit dahil sa kaniyang edad ay nanganganib ang bagong proyekto nito, ang Beauty in a Bottle, na mapunta sa mas bata at bagong empleyado ng kanilang agency. 

Sa kabilang banda, si Estelle Suarez (Angelica Panganiban) naman ay isang artista na paboritong siraan ng madla dahil sa pagiging malusog nito. Sinubukan niyang mag-audition para maging endorser ng Beauty in a Bottle ngunit hindi natanggap dahil sa kaniyang katawan.

Toy Story 2 (1999)

7 out of 10 stars
★★★★★★★☆☆☆

Starring: Tom Hanks, Tim Allen, Joan Cusack

Genre: Animation, Adventure, Comedy

Runtime: 92 minutes

Director: John Lasseter

Writer: Andrew Stanton, Rita Hsiao, Doug Chamberlin, Chris Webb, 

Pete Docter, Ash Brannon

Production: Walt Disney Pictures, Pixar Animation Studios

Country: USA

Kung sa unang pelikula ay si Buzz Lightyear (Tim Allen) ang iniligtas, dito sa pangalawang pelikula ay si Woody (Tom Hanks) naman ang mangangailangan ng tulong matapos siyang mapunta sa mga kamay ng isang toy collector.

Nang aksidenteng masira ang kaniyang kamay ay inilagay muna ng ina ni Andy si Woody sa isang shelf, dito ay nadiskubre niya si Wheezy na isa ring sirang laruan. Dahil hindi na siya maaaring laruin ay naisipang ibenta ng nanay ni Andy si Wheezy sa isang garage sale. Sinubukang siyang iligtas ni Woody, nailigtas nga niya si Wheezy ngunit si Woody naman ngayon ang nasa peligro nang mapunta siya sa kamay ng toy collector na si Al McWhiggin (Wayne Knight).

The Boy Next Door (2015)

6 out of 10 stars

★★★★★★☆☆☆☆

Starring: Jennifer Lopez, Ryan Guzman

Genre: Thriller

Runtime: 91 minutes

Director: Rob Cohen

Writer: Barbara Curry

Production: Smart Entertainment, Blumhouse Productions, 

Nuyorican Productions, Universal Pictures

Country: USA

Si Claire Peterson (Jennifer Lopez) ay isang seperadang guro na naninirahan mag-isa kasama ang teenager nitong anak, Kevin (Ian Nelson). Ang tahimik nilang buhay ay naiba nang makilala nila ang bago nilang kapitbahay na si Noah Sandborn (Ryan Guzman) na lumipat ng bahay upang alagaan ang tiyuhing nasa wheelchair. Agad nakagaanan ng loob ni Kevin si Noah at naging magkaibigan ang dalawa samantala, nagkaroon naman ng interes si Noah kay Claire.

Sa araw na umalis sina Kevin at ama nitong si Garrett Peterson (John Corbett) upang mangisda ay ito ang kinuhang pagkakataon ni Noah upang masolo si Claire. Nagpatulong ang binata sa niluluto nitong pagkain na siya namang ginawa ni Claire ng walang pagaalinlangan matapos manggaling sa isang magulong date. Nang lumalim ang gabi ay nagsimulang makipag-flirt si Noah kay Claire hanggang sa nauwi ang dalawa sa isang mainit na pagtatalik.

Sex Tape (2014)

3 out of 10 stars

★★★☆☆☆☆☆☆☆

Starring: Cameron Diaz, Jason Segel

Genre: Comedy, Romance

Runtime: 94 minutes

Director: Jake Kasdan

Writer: Kate Angelo, Jason Segel, Nicholas Stoller

Production: Escape Artists, LStar Capital, Media Rights Capital, Sony 

Pictures Entertainment

Country: USA

Matapos ang hindi gaanong kagandang The Other Woman (2014) ni Cameron Diaz ay panibagong fail movie na naman ang kaniyang pinagbidahan kung saan siya at si Jason Segel ay mag-asawang sina Annie at Jay Hargrove na adik na adik sa pagtatalik simula noong naging magsyota silang dalawa, hanggang sa dumating ang araw na hindi na kayang patayuin ni Jay ang paboritong parte ng kaniyang katawan.

Dahil dito, nakaisip si Annie ng isang napakamabuluhang ideya - ang gumawa ng isang sex tape. Ang hindi alam ng dalawa, ang pribadong video na dapat ay na-delete na kinaumagahan ay mauuwi sa mga iPad na ipinamigay nila sa kanilang mga kaibigan. Bago pa man ito mapanood ng kanilang mga kakilala ay kinakailangang makuha pabalik ng dalawa ang mga iPad at burahin ang video bago ito kumalat.

Fantastic Four (2005)

5 out of 10 stars
★★★★★☆☆☆☆☆

Starring: Ioan Gruffudd, Jessica Alba, Chris Evans, Michael Chiklis

Genre: Action, Adventure, Sci-Fi

Runtime: 106 minutes

Director: Tim Story

Writer: Michael France, Mark Frost, Jack Kirby (comics), Stan Lee (comics)

Production: 20th Century Fox, Constantin Film, Marvel Enterprises, 1492 Pictures

Country: USA, Germany

Isang cosmic energy clouds sa kalawakan ang nagbabadyang dumaan malapit sa Earth, ang ulap na ito ay ang pinaniniwalaan ni Dr. Reed Richards (Ioan Gruffudd) na siyang nagpasimula ng evolution kaya naman kasama ang kaibigang astronaut na si Ben Grimm (Michael Chiklis) ay sinubukan nilang kausapin si Dr. Victor Von Doom, ang CEO ng Von Doom Industries na gamitin ang kaniyang private space station upang pag-aralan ang paparating na cosmic energy. Pumayag naman si Dr. Doom sa isang kondisyon at ito ay siya ang magkakaroon ng kontrol sa magaganap na eksperimento at sa kaniya mapupunta ang majority ng kita sa kung anumang makukuha ng kanilang gagawin. 

Kasama ang chief genetics researcher ng Von Doom Industries at ex-girlfriend ni Reed na si Susan Storm (Jessica Alba) pati ang kapatid nitong dating astronaut na si Johnny (Chris Evans), ay nagtungo sa outer space sina Reed, Ben at Dr. Doom upang pag-aralan ang cosmic energy clouds ngunit hindi nila inaasahan ang maagang pagdating nito sa kanilang station kaya nauwi sa exposure ang buong grupo.

The Hunger Games: Mockingjay - Part 1 (2014)

6 out of 10 stars
★★★★★★☆☆☆☆

Starring: Jennifer Lawrence, Josh Hutcherson, Liam Hemsworth

Genre: Adventure, Sci-Fi

Runtime: 123 minutes

Director: Francis Lawrence

Writer: Danny Strong, Peter Craig, Suzanne Collins (novel)

Production: Color Force, Lionsgate

Country: USA

Matapos sirain ng tuluyan ang larong Hunger Games ay nagtatago ngayon si Katniss Everdeen (Jennifer Lawrence) kasama ang ilan pang Victors na tulad niyang nailigtas sa District 13, ang distritong inakala ng lahat ng wala nang naninirahan ngunit lugar pala ito ng mga rebelde. Doon ay muli niyang nakasama ang kaniyang ina at kapatid na si Primrose (Willow Shields). 

Nakilala din niya dito si President Alma Coin (Julianne Moore), ang lider ng mga rebelde. Nais ni President Coin na si Katniss ang kumatawan bilang "Mockingjay" na simbolo ng himagsikan, ito ay dahil sa ginawa niyang pagsira sa laro na siyang pinagsimulan ng mga welga at riot sa iba't-ibang distrito laban sa Capitol.

Jupiter Ascending (2015)

5 out of 10 stars

★★★★★☆☆☆☆☆

Starring: Mila Kunis, Channing Tatum

Genre: Action, Adventure, Sci-Fi

Runtime: 127 minutes

Director: Andy Wachowski, Lana Wachowski

Writer: Andy Wachowski, Lana Wachowski

Production: Village Roadshow Pictures, Warner Bros., Dune Entertainment

Country: USA, Australia

Si Jupiter Jones (Mila Kunis) ay isang dalaga na ang hanap-buhay ay ang maglinis ng mga tahanan ng mayayaman kasama ang kaniyang ina at tiyahin. Ang buhay niyang ito ay biglang nabago nang atakihin siya ng mga nilalang na para sa mga tao ay dating kathang-isip lamang... mga alien na galing sa ibang planeta.

Ang mga alien na ito ay ipinadala ni Balem Abrasax (Eddie Redmayne), isa sa tatlong magkakapatid mula sa House of Abrasax - ang pinaka makapangyarihang alien dynasty sa buong universe, upang patayin si Jupiter na pinaniniwalaang reincarnation ng kanilang namayapang ina. Ngunit hindi natupad ang plano nilang pagpaslang dahil sa pagpasok ni Caine Wise (Channing Tatum) isang galaxy soldier na ipinadala naman ni Titus Abrasax (Douglas Booth) para sa sarili niyang plano para kay Jupiter.

Heaven is for Real (2014)

7 out of 10 stars
★★★★★★★☆☆☆

Starring: Greg Kinnear, Connor Corum, Kelly Reilly

Genre: Drama

Runtime: 99 minutes

Director: Randall Wallace

Writer: Randall Wallace, Christopher Parker, Todd Burpo (novel)
Lynn Vincent (novel)

Production: TriStar Pictures, Roth Films, Screen Gems

Country: USA

Bata pa lamang tayo ay ipinakilala na sa atin ang konsepto ng langit at impyerno. Marami ang naniniwala, may ilan namang itinuturing lang itong kathang-isip lamang. Ngunit paano kung isang araw, isa sa mga kamag-anak mo ang magsabing nakapunta na siya sa langit? Paniniwalaan mo ba ito?

Ang Heaven is for Real ay tungkol sa tunay na kuwento ng isang apat na taong gulang na si Colton Burpo (Connor Corum) at ng kaniyang ama na isang pastor, Todd Burpo (Greg Kinnear). Matapos makaranas ng isang near-death experience si Colton ay ikinuwento nito sa kaniyang ama ang kaniyang naging paglalakbay sa langit. Ayon sa kaniya, habang nasa kalagitnaan daw siya ng operasyon ay nakita niya ang sarili niyang inooperahan, kasabay no'n ay ang kaniyang ina na nasa telepono at ang ama na nasa kabilang kuwarto at sinisigawan ang rebulto ng Panginoon.

The Amazing Spider-Man 2 (2014)

6 out of 10 stars
★★★★★★☆☆☆☆

Starring: Andrew Garfield, Emma Stone, Jamie Foxx

Genre: Action, Adventure, Fantasy

Runtime: 142 minutes

Director: Marc Webb

Writer: Alex Kurtzman, Roberto Orci, Jeff Pinkner, James Vanderbilt,

Stan Lee (comics), Steve Ditko (comics)

Production: Marvel Entertainment, Avi Arad Productions, Columbia 

Pictures, Matt Tolmach Productions

Ito ang sequel sa reboot ng Spider-Man franchise kung saan binigyan ng panibagong mukha ang ating paboritong superhero. Sa pagkakataong ito ay tuluyan nang inako ni Peter Parker (Andrew Garfield) ang pagiging tagapagligtas sa katauhan ni Spider-Man. Ang kaakibat ng responsibilidad na ito ay ang kaligtasan ng kaniyang mga mahal sa buhay kaya naisipan ni Peter na humiwalay muna sa girlfriend nitong si Gwen Stacy (Emma Stone) para sa kaligtasan nito. 

Sa kabilang banda, si Max Dillon (Jamie Foxx) ay isang electrical engineer na kasalukuyang nagtatrabaho sa OsCorp Industries. Isa siyang "nobody", walang kasama sa buhay, walang kaibigan at ni walang nakakaalala ng kaniyang pangalan. Nang minsang iligtas siya ni Spider-Man sa isang gulo ay nagkaroon agad siya ng obsession para sa naturang tagapagligtas. Ngunit biglang naiba ang buhay ni Max nang aksidente siyang mahulog sa tanke na naglalamang ng genetically modified na mga igat. Itinago ng OsCorp ang pagkamatay nito ngunit ang hindi nila alam, isang bagong kalaban ang nabuo dahil sa pangyayaring ito.