Freaks of Nature (2015)

6 out of 10 stars
★★★★★★☆☆☆☆

Starring: Nicholas Braun, Mackenzie Davis, Josh Fadem, Vanessa Hudgens

Genre: Comedy, Horror

Runtime: 92 minutes

Director: Robbie Pickering

Writer: Oren Uziel

Production: Columbia Pictures, Sony Pictures Entertainment

Country: USA

Sa paggawa ng pelikula, minsan ay kinakailangan mong mag-isip ng mga bagong ideya na maaaring pumukaw sa interes ng mga manonood. Ganito ang ginawa nila Oren Uziel at Robbie Pickering sa kanilang Horror-Comedy film na Freaks of Nature kung saan sa isang mundo ay pinagsama-sama nila ang mga tao, bampira, zombies at maging ang mga aliens.

Tahimik na sana at mapayapa na ang buhay ng mga tao sa mundo kasama ang mga bampira at zombies. Ngunit nang isang araw biglang sumalakay ang mga aliens sa planetang Earth ay muling nabuhay ang dating bangayan ng tatlong nilalang sa isa't-isa. Sa pag-aakalang ang mga tao ang nag-imbita sa mga aliens upang tugisin sila, bumuo ng grupo ang mga bampira para salakayin ang mga tao. Ang hindi nila alam, ganoon din ang iniisip ng mga tao laban sa mga bampira. Dahil dito, isang sagupaan ang naganap kung saan maging ang mga nananahimik na zombies ay napasama sa gulo.

Sicario (2015)

Poster courtesy of IMP Awards
© Lionsgate

5 stars of 10
★★★★★ ☆☆☆☆☆

Starring: Emily Blunt, Benicio del Toro, Josh Brolin

Genre: Action, Crime, Drama

Runtime: 2 hours, 1 minute

Director: Denis Villeneuve

Writer: Taylor Sheridan

Production: Black Label Media, Lionsgate, Thunder Road Pictures

Country: USA

The Little Prince (2015)

7 out of 10 stars
★★★★★★★☆☆☆

Starring: Mackenzie Foy, Jeff Bridges, Riley Osborne, Rachel McAdams

Genre: Animation, Fantasy

Runtime: 108 minutes

Director: Mark Osborne

Writer: Irena Brignull, Bob Persichetti, Mark Osborne (story), 

Antoine de Saint-Exupéry (novel)

Production: Onyx Films, Mikros Image, Orange Studio, 
Kaibou Productions, LPPTV, M6 Films, On Entertainment, 
Paramount Animation, TouTenKartoon 

Country: France, Canada

Isang ina (Rachel McAdams) ang nais maipasok ang kaniyang anak (Mackenzie Foy) sa isang prestihiyosong paaralan ngunit sa hindi inaasahang pagbabago, ang pinaghandaan ng dalawa para sa isang entrance exam ay nauwi sa kapalpakan. Kaya ngayon, sa "plan B" ang kinahantungan ng mag-ina - ang paglipat ng tirahan upang makapasok sa panibagong paaralan. 

Upang hindi na maulit ang naunang nangyari sa kanila ay iba't-ibang schedule ng pag-aaral ang inihanda ng ina para sa kaniyang anak ilang lingo bago magsimula ang pasukan. Ngunit ang pag-aaral na ito ay naunsyami nang makilala ng anak ang kapitbahay nilang isang retiradong aviator. Isang istorya ang ibinahagi ng aviator sa anak, ang kuwento ng isang batang lalaki (Riley Osborne) na nakatira sa isang 'di kalayuang asteroid, na siyang agad kinahumalingan ng anak. Nagsimulang magka-interes ang anak sa kuwento ng batang lalaki hanggang sa unti-unti na niyang tinalikuran ang mga nakatakda niyang gawain na ibinigay sa kaniya ng kaniyang ina.

But I'm a Cheerleader (1999)

6 out of 10 stars 
★★★★★★☆☆☆☆

Starring: Natasha Lyonne, Clea DuVall, Cathy Moriarty

Genre: Comedy, Drama, Romance

Runtime: 85 minutes

Director: Jamie Babbit

Writer: Brian Wayne Peterson, Jamie Babbit (story)

Production: The Koshner-Locke Company, Ignite Entertainment

Country: USA

Sa kabila ng kaniyang pagiging cheerleader at pagkakaroon ng boyfriend ay hindi parin nakaligtas si Megan (Natasha Lyonne) mula sa paghihinala sa kaniya ng kaniyang magulang at mga kaibigan na isa siyang tomboy. Dahil dito ay napilitan ngayon siyang tumira sa True Directions na isang therapy camp para sa mga tomboy at bading na nais bumalik sa pagiging straight. 

Dito niya makikilala si Graham (Clea DuVall) isa ring lesbiana na katulad ni Megan ay ipinasok din ng kaniyang mga magulang sa True Directions sa pagnanais na maibalik ito mula sa pagiging tunay na babae. Ngunit sa pananatili ni Megan sa therapy camp na ito, imbes na manumbalik sa dati ay kabaligtaran ang nangyari sa kaniya dahil mas tinanggap pa nito ang kaniyang pagiging tomboy lalo na nang mahulog ang loob niya kay Graham.

Burnt (2015)

5 out of 10 stars
★★★★★☆☆☆☆☆

Starring: Bradley Cooper, Sienna Miller, Daniel Brühl

Genre: Comedy, Drama

Runtime: 101 minutes

Director: John Wells

Writer: Steven Knight, Michael Kalesniko (story)

Production: 3 Arts Entertainment, Double Feature Films

Country: USA

Sa pagnanais na maibalik ang dating sigla ng kaniyang karera bilang chef, mula sa matinding pagkalulong sa droga at pagkakaroon ng iba't-ibang bisyo ay nagsimula ulit ng bagong buhay si Adam Jones (Bradley Cooper) sa London kung saan naging layunin nito ang makakuha ng panibagong Michelin star.

Sa tulong ng kaibigan niyang si Tony (Daniel Brühl) na isa na ngayong maître d'hôtel sa restaurant ng hotel na pagmamay-ari ng kaniyang ama ay pinamahalaan ni Adam ang kusina ng hotel kasama ang mga kaibigan, dating katrabaho at mga kusinerong may potensyal na isa-isa niyang hinanap upang samahan siya sa pamamalakad at pagkamit sa kaniyang pangatlong Michelin star. Ngunit ang lahat ng ito ay hindi ganoon kadali lalo na't sa kabila ng paglaban ni Adam sa mga bisyong dating sumira sa kaniyang buhay ay isang suliranin pa ang hindi niya nahaharap... ang kaniyang sarili.

45 Years (2015)

6 out of 10 stars 
★★★★★★☆☆☆☆

Starring: Charlotte Rampling, Tom Courtenay

Genre: Drama, Romance

Runtime: 95 minutes

Director: Andrew Haigh

Writer: Andrew Haigh, David Constantine (story)

Production: The Bureau

Country: United Kingdom

Nang walang naganap na pagdiriwang sa kanilang ika-apatnapung anibersaryo bilang mag-asawa ay naisipan nila Kate (Charlotte Rampling) at Geoff Mercer (Tom Courtenay) na gawin ang naunsyami nilang selebrasyon sa kanilang paparating na 45th anniversary. 

Isang linggo bago dumating ang anibersaryo ng kanilang kasal ay isang sulat ang natanggap ni Geoff na naglalaman ng balitang ang mga labi ng kaniyang dating kasintahan na si Katya ay natagpuan na, limampung taon matapos itong mahulog sa isang Alpine crevasse. Simula nang matanggap ni Geoff ang balita ay napansin ni Kate ang biglaang pagbabago ng kaniyang asawa. Tila nanumbalik ang dating apoy na nadama ni Geoff mula sa dating kasintahan. Dahil dito ay nagsimulang pagdudahan ni Kate ang pagmamahal na ibinigay sa kaniya ng kaniyang asawa at nagkaroon na ng lamat ang pananaw ni Kate sa apatnapu't-limang pagsasama nila ni Geoff.

Cannibal Holocaust (1980)

8 out of 10 stars

★★★★★★★★☆☆

Starring: Robert Kerman, Francesca Ciardi, Perry Pirkanen

Genre: Adventure, Horror

Production: 95 minutes

Director: Ruggero Deodato

Writer: Gianfranco Clerici

Production: F.D. Cinematografica

Country: Italy

Isa na siguro ang Cannibal Holocaust sa pinaka-kontrobersyal na pelikula sa buong mundo. Ilang bansa ang tumanggi sa pagpapalabas nito ngunit aminin man natin o hindi ay malaki ang naiambag ng palabas na ito sa industriya ng pelikula. Ito ang nagpasimuno sa found-footage na paraan ng paggawa ng pelikula at dahilan sa pag-usbong ng mga palabas na may cannibalism na genre.

Ang kuwento ay tungkol sa apat na film crew na nawala matapos magpunta sa Amazon upang gumawa ng dokyumentaryo ukol sa mga cannibal tribes. Magsisimula ang palabas sa isang rescue mission na pangungunahan ng New York University anthropologist na si Professor Harold Monroe (Robert Kerman). Ang pakikipagsapalaran na ito ni Professor Monroe sa kagubatan ng Amazon ang siyang magbibigay liwanag sa kung papaano ang pamumuhay ng mga tribong malayo sa kabihasnan. 

Trainwreck (2015)

6 out of 10 stars 

★★★★★★☆☆☆☆

Starring: Amy Schumer, Bill Hader, Brie Larson

Genre: Comedy, Romance

Runtime: 125 minutes

Director: Judd Apatow

Writer: Amy Schumer

Production: Apatow Productions, Universal Pictures

Country: USA

Ang isang tao, hindi lang dapat iisa ang nagiging kapareha sa buhay. Ito ang pangaral na natutunan ni Amy (Amy Schumer) mula sa kanilang ama noong siya'y bata pa kaya nang siya ay lumaki at nagkaroon ng sariling buhay ay iba't-ibang lalaki ang palagi nitong nakakasama sa kabila ng pagkakaroon niya ng boyfriend. Siya'y nahilig sa iba't-ibang bisyo at namuhay bilang isang liberated na dalaga. 

Ngunit ang lahat ito ay nagbago nang makilala niya sa trabaho si Aaron Conners (Bill Hader), isang sports doctor na kabaligtaran ang buhay at ugali mula sa kaniya. Sa pagtatagpo ng landas ng dalawa ay biglang naiba ang mundo ni Amy hanggang sa unti-unting nagkamabutihan ng loob ang dalawa. Ang problema, hindi pa handa si Amy na iwan at talikuran ang nakasanayan niyang buhay.

Mad Max (1979)

5 out of 10 stars

★★★★★☆☆☆☆☆

Starring: Mel Gibson, Joanne Samuel, Hugh Keays-Byrne

Genre: Action, Adventure, Sci-Fi

Runtime: 88 minutes

Director: George Miller

Writer: James McCausland, George Miller

Production: Kennedy Miller Productions, Crossroads, Mad Max Films

Country: Australia

Isang matinong pulis si Max Rockatansky (Mel Gibson) na may masayang pamilya at maayos na trabaho, ito'y hanggang sa makadaupang-palad niya ang isang motorcycle gang na "The Acolytes" na unti-unting sisira sa kaniyang disenteng pamumuhay. Nang ma-agrabiyado ay siya naman ngayon ang maghihiganti isa-isa laban sa mga taong sumira ng kaniyang buhay.

Mahirap i-buod ang Mad Max na hindi makapagbibigay ng spoilers lalo na't tungkol sa simpleng paghihiganti lang iikot ang buong kuwento ng pelikula. Ang nasa itaas na siguro ang pinaka maayos na buod na maaari kong ibahagi na hindi nabubunyag ang kabuuan ng pelikula.

The Martian (2015)

8 out of 10 stars
★★★★★★★★☆☆

Starring: Matt Damon, Jessica Chastain, Kristen Wiig

Genre: Adventure, Drama, Sci-Fi

Runtime: 144 minutes

Director: Ridley Scott

Writer: Drew Goddard, Andy Weir (novel)

Production: 20th Century Fox, TSG Entertainment, Scott Free
Productions, Kinberg Genre, Mid Atlantic Films

Country: USA

Anim na astronauts ang nagkaroon ng manned mission sa Mars ngunit lima lang ang naka-alis mula rito. Si Mark Watney (Matt Damon), ang botanist sa grupo na inakalang patay na ng kaniyang mga kasamahan matapos tamaan ng debris mula sa isang matinding bagyo ay mag-isang namuhay sa Mars matapos siyang iwan ng kaniyang grupo.

Nang mapag-alaman ng NASA ang kondisyon ni Watney ay agad silang gumawa ng aksyon upang maibalik ito sa Earth ngunit kailangan nila itong makuha sa lalong madaling panahon bago pa man siya maubusan ng pagkain at mamatay sa gutom.

The Lady Vanishes (1938)

6 out of 10 stars

★★★★★★☆☆☆☆

Starring: Margaret Lockwood, Michael Redgrave, Paul Lukas

Dame May Whitty

Genre: Comedy, Mystery, Thriller

Runtime: 96 minutes

Director: Alfred Hitchcock

Writer: Sidney Gilliat, Frank Launder, Ethel Lina White (story),

Alma Reville (story)

Production: Gainsborough Pictures

Country: United Kingdom

Dahil sa isang avalanche ay stranded ngayon si Iris Henderson (Margaret Lockwood), isang turista sa Bandrika, sa isang inn. Kasama ang ilan pang pasahero ay napilitan silang magpalipas ng gabi sa nasabing inn. Dito makikilala ni Iris ang isang dating music teacher na si Miss Froy (Dame May Whitty) at ang musikerong si Gilbert Redman (Michael Redgrave).

Kinaumagahan, bago sumakay sa tren ay aksidenteng tinamaan ng paso sa ulo si Iris. Nasaksihan ito ni Miss Froy kaya tinulungan niya ang dalaga sa pagsakay ng tren at sinamahan ito sa compartment kung saan ito nakaupo kasama ang ibang pasahero. Sa paggising ni Iris mula sa pagkakatulog ay napansin nitong nawawala ang kasama niyang matanda. Nagtanung-tanong siya sa mga katabi niyang pasahero ngunit ayon dito ay wala silang nakikitang matanda na kasama niya. Dito na nagsimulang mataranta si Iris dahil sigurado siyang kasama niya si Miss Froy sa pagsakay ng tren. Sa tulong ni Gilbert ay magkasama nilang sinagot ang misteryo sa likod ng biglaang pagkawala ni Miss Froy.

Bridge of Spies (2015)

7 out of 10 stars

★★★★★★★☆☆☆

Starring: Tom Hanks, Mark Rylance, Alan Alda

Genre: Biography, Drama, Thriller

Runtime: 142 minutes

Director: Steven Spielberg

Writer: Matt Charman, Joel Coen, Ethan Coen

Production: Amblin Entertainment, Dreamworks SKG, Fox 2000 Pictures,

Marc Platt Productions, Participant Media, Reliance Entertainment, TSG Entertainment
Country: USA

Taong 1957 nang arestuhin si Rudolf Abel (Mark Rylance) sa Brooklyn, New York City matapos siyang mapatunayan na isang espiya mula sa Soviet Union. Upang magkaroon ng makatarungang paglilitis hiningi ng gobyerno ng US ang tulong ng abogadong si James B. Donovan (Tom Hanks) upang ipagtanggol ang nasasakdal.

Hindi inaasahan ng lahat na seseryosohin ni Donovan ang kaniyang trabaho sa pag-dedepensa kay Abel sa kabila ng pagiging magkalaban nilang dalawa, dahil dito ay nagkaroon ng death threats ang abogado at maging ang pamilya, katrabaho at kababayan ni Donovan ay nagalit sa kaniya dahil sa pagtulong niya sa espiya. Gayunpaman ay malakas ang ebidensya laban kay Abel at napatunayan itong guilty sa korte at sa huli ay hinatulan siya ng kamatayan.